Kampaña "Kòrsou Inspirativo Tòp 100" a start sali

Awe e kampaña di "Kòrsou Inspirativo Tòp 100" a start sali na UNA.

Riba petishon di hopi persona e team di Curaçao Top 100 a skohe pa trese e proyekto: Kòrsou Inspirativo Tòp 100 mas serka di nos hendenan. Hopi persona ku no tin computer o abilidat ku internet no por partisipá aktivo na Kòrsou Inspirativo Tòp 100. Te ainda nan no por a nominá o vota riba nan favorito. No por ta asina ku bo ta krea un proyekto pa henter pueblo i ta un parti so por partisipá. Ta p'esei stichting Fudsek ta kumpli ku deseo di tur esnan ku a pidi i durante henter luna di mei lo bishita diferente skol i negoshi pa asina duna mas splikashon riba e proyekto. Alabes e team ta yuda un i tur pa nominá i motivá nan favorito.

E kampaña a start awe mèrdia na Universidat di Antia kaminda a sera e públiko konosí tambe ku henter e team ku ta bai hasi e trabou durante e luna benidero posibel. Mayan e team di Curaçao Top 100 lo ta na UTS na sta. Maria entre 10 di mainta i 1'or di mèrdia. Dia 30 di aprel, anja di la reina, e team lo ta na e stand di Toeristenbureau den Punda dilanti pia di brug.

E kampaña a start awe mèrdia na Universidat di Antia kaminda a sera e públiko konosí tambe ku henter e team ku ta bai hasi e trabou durante e luna benidero posibel. Mayan e team di Curaçao Top 100 lo ta na UTS na sta. Maria entre 10 di mainta i 1'or di mèrdia. Dia 30 di aprel, anja di la reina, e team lo ta na e stand di Toeristenbureau den Punda dilanti pia di brug. Pa mas informashon tur hende por tuma kontakto ku Mavis Albertina na 527 7008.